Një seri sulmesh ajrore ruse me raketa ka goditur Kievin gjatë natës së 19 tetorit, duke shkaktuar humbjen e jetës së një vajze 21-vjeçare dhe plagosjen e dy personave të tjerë.

Kryetari i Bashkisë së Kievit, Vitali Klitschko, njoftoi se bombardimet goditën dy zona kryesore të kryeqytetit ukrainas. Në lagjen Desnyansky u dëmtua një qendër mjekësore, ndërsa dëme materiale u regjistruan edhe në ndërtesa në lagjen Dnipro si dhe në infrastrukturën e një stacioni metroje.

Autoritetet lokale vijojnë punën për menaxhimin e pasojave të sulmeve që vazhduan deri në orët e para të mëngjesit të së hënës, ndërsa mbeten në gatishmëri për shkak të dëmeve të shkaktuara në infrastrukturën civile.