Përfundimi i protestës maratonë prej rreth 10 orësh në Tiranë është shoqëruar me ndërhyrjen e mjeteve të rënda në bulevardin "Dëshmorët e Kombit", ku fadromat kanë nisur heqjen e gurëve dhe pllakave të mbetura të trotuarit për të parandaluar përdorimin e tyre në tubimet e ardhshme.

Dita e gjashtë e protestave u karakterizua nga përshkallëzimi i akteve të dhunës, përplasjeve të ashpra me forcat e rendit dhe incidenteve të rënda si djegia e pjesshme e Komisariatit nr. 3, ku mbetën të lënduar 10 efektivë policie.

Në orët e vona të mbrëmjes, Policia e Shtetit dha sqarime edhe për incidentin pranë selisë së Partisë Demokratike, duke deklaruar se përdorimi i gazit lotsjellës erdhi pasi persona të maskuar u futën në oborrin e godinës për t’i shpëtuar ndjekjes, teksa vijonin sulmet me molotovë ndaj uniformave blu.