Tensionet në kryeqytet janë zhvendosur pranë selisë qendrore të Partisë Socialiste rreth orës 20:54, ku një grup protestuesish i ardhur nga zona e Kryeministrisë ka sulmuar godinën me gurë dhe lëndë djegëse molotov.

Për të mbrojtur institucionin dhe për të zmbrapsur turmën, forcat e policisë kanë ndërhyrë duke përdorur sasi të konsiderueshme gazi lotsjellës dhe plumba plastikë.

Përdorimi i lëndëve lotuese ka detyruar protestuesit të largohen nga perimetri i selisë rozë, duke u shpërndarë në disa drejtime kryesore, përfshirë Rrugën e Kavajës, zonën pranë Bankës së Shqipërisë dhe Katedralen Ortodokse.

Mësohet se situata pranë selisë së PS-së është qetësuar pas largimit të demonstruesve, ndërsa forcat e rendit vijojnë patrullimin në rrugët lidhëse të kryeqytetit për të parandaluar riorganizimin e grupeve të dhunshme.