Milani i është rikthyer fitores në Serie A pasi mposhti Atalantën me rezultatin 3-2 në "San Siro", gjatë javës së shtatë të kampionatit italian, në një përballje që u kthye në drithëruese gjatë minutave të fundit.

Kuqezinjtë krijuan një avantazh të sigurt prej tre golash me anë të Gonçalo Ramos nga pika e bardhë në minutën e 24-t, Adrien Rabiot në të 43-tën dhe Gilës në minutën e 57-të. Francezi Rabiot ishte protagonist kryesor i takimit me gol dhe asist, ndërsa Ramos përjetoi një ndeshje me dy fytyra pasi shpërdoroi një penallti të dytë në pjesën e dytë.

Pavarësisht disavantazhit të thellë, Atalanta reagoi fuqishëm në gjysmëorën e fundit të lojës duke shkurtuar diferencën me golat e Gaetanos dhe Krstoviçit, por vendasit arritën të mbronin avantazhin minimal deri në vërshëllimën përfundimtare.

Me këtë triumf, Milani ngjitet në kuotën e 15 pikëve në renditjen e përgjithshme, ndërsa bergamaskët mbeten në kuotën e 9 pikëve.