Kreu i Policisë së Shtetit, Skënder Hita, ka reaguar zyrtarisht pas sulmit me lëndë djegëse dhe sende të forta ndaj Komisariatit të Policisë Nr. 3 në Tiranë, ku mbetën të plagosur dhjetë punonjës policie.

Sipas deklaratës së Hitës, persona të maskuar hodhën bomba molotov, lëndë piroteknike, gurë dhe sfera metalike në drejtim të godinës, duke rrezikuar edhe personat e shoqëruar që ndodheshin brenda ambienteve. Ai sqaroi se efektivët e lënduar nuk kishin qenë të angazhuar në terren gjatë ditëve të mëparshme të protestave.

Drejtori i Përgjithshëm i Policisë nëvizoi se strukturat hetimore po punojnë për identifikimin e të gjithë personave të përfshirë në këto aktet violente për t’i nxjerrë përpara drejtësisë, ndërsa u bëri thirrje protestuesve paqësorë të distancohen nga aktet e dhunës.