Një ngjarje me pasojë plagosjen e një personi ka ndodhur mesditën e sotme në rrethrrotullimin e Shëngjinit në Lezhë, ku një drejtues taksie është goditur me mjet prerës.

Sipas njoftimit zyrtar të Policisë së Shtetit, i dëmtuari është shtetasi Aleks Marleka, 50 vjeç, i cili ka njoftuar menjëherë autoritetet se është goditur me thikë në zonën e barkut nga shtetasi Ndoc Nogaj,, 65 vjeç.

I plagosuri është transportuar me urgjencë drejt spitalit rajonal për ndihmë mjekësore, ku sipas bluzave të bardha ndodhet jashtë rrezikut për jetën.

Lezhë/Informacion paraprak

Rreth orës 13:08, është marrë njoftim nga shtetasi A. M., 50 vjeç, banues në Lezhë, me profesion taksist, se në rrethrrotullimin e Shëngjinit është goditur me mjet prerës (thikë) në bark nga shtetasi N. N., 65 vjeç.

50-vjeçari është transportuar në spital për ndihmë mjekësore dhe ndodhet jashtë rrezikut për jetën.

Autori i dyshuar, shtetasi N. N., 65 vjeç, dyshohet se vuan nga probleme të shëndetit mendor dhe është shpallur në kërkim.

Grupi hetimor po punon për sqarimin e plotë të rrethanave dhe të motivit të ngjarjes, si dhe për kapjen e autorit të dyshuar.