Përshkallëzimi i tensioneve dhe përplasjeve përpara godinës së Kryeministrisë ka prekur drejtpërdrejt edhe gazetarët dhe ekipet e terrenit që po mbulonin ngjarjen.

Gjatë raportimit të drejtpërdrejtë, gazetari Fatjon Gjinaj u dëmtua pasi u godit në dorë nga një bombol gazi lotsjellës, si dhe pësoi probleme me frymëmarrjen nga koncentrimi i lartë i lëndëve djegëse në ajër.

Sipas informacioneve paraprake nga vendngjarja, edhe disa raportues e operatorë të tjerë mediatikë janë prekur nga gazi gjatë përplasjeve mes protestuesve dhe forcave të rendit. Rrethanat e plotë të incidentit ndaj punonjësve të medias pritet të sqarohen më tej.