Deputeti i Partisë Demokratike, Saimir Korreshi, i është bashkuar sërish protestës në Tiranë, ku është pritur ngrohtësisht nga qytetarët e mbledhur në kryeqytet.

Ndryshe nga ajo që ndodh prej ditësh, kur çdo deputet i Partisë Demokratike përballet me reagime refuzuese nga protestuesit, Korreshi ka marrë një pritje të ngrohtë.

Disa prej protestuesve e kanë përshëndetur dhe përqafuar deputetin nga Lushnja, ndërsa të tjerë kanë kërkuar të bëjnë fotografi selfie me të.

I njohur për mënyrën e tij karakteristike të denoncimit të problematikave në zonën e Lushnjës, Korreshi ka lëvizur mes turmës, duke bashkëvepruar me protestuesit, pa hasur reagimet kundërshtuese që shoqëruan praninë e disa prej kolegëve të tij në protestën e mëparshme.

Më herët dje, protestuesit degjeneruan deputetin demokrat Klevis Balliu duke e shtyrë drejt Lanës dhe duke e detyruar të kalojë me këmbë lumin me ujëra të zeza që përshkon qendrën e Tiranës pasi e përzunë nga protesta.

Pamje virale në rrjet, deputeti Balliu duke iu futur Lanës më këmbë pasi e përzunë protestuesit