TIRANË — Situata ka degraduar në kaos të plotë përgjatë Rrugës së Durrësit në kryeqytet, ku janë regjistruar përplasje të ashpra e masive mes protestuesve dhe forcave të Policisë së Shtetit.

Një pjesë e konsiderueshme e të rinjve dhe manifestuesve është izoluar dhe po mbahet e bllokuar nga kordonët e hekurt të policisë brenda rrugicave të lagjeve ngjitur, duke u pamundësuar atyre daljen sërish në aksin kryesor rrugor.

Pjesa tjetër e protestuesve që ndodhet në rrugën kryesore po përballet me një ndërhyrje masive e frontale nga forcat e rendit. Për të bërë të mundur shpërndarjen e turmës, policia po përdor me intensitet ujë me presion dhe sasi të mëdha gazi lotsjellës, ndërsa raportohet se ndaj protestuesve po përdoren vazhdimisht edhe plumba gome.

Nga ana tjetër, protestuesit e mbetur në rrugë u janë përgjigjur efektivëve të policisë duke hedhur gurë dhe sende të forta në drejtim të kordonëve të sigurisë.