TIRANË — Protesta masive përballë godinës së Ministrisë së Arsimit dhe Sportit po shoqërohet me tensione të larta dhe akte rezistence, ku të rinjtë kanë bllokuar segmentin rrugor duke i vënë flakën kontejnerëve të mbeturinave.

Protestuesit kanë shkulur kangjellat mbrojtëse anës rrugës dhe i kanë vendosur ato në mes të aksit automobilistik, duke krijuar një barrikadë mbrojtëse përballë kordonit të efektivëve të Policisë së Shtetit. Ndërkohë, koshat e plehrave janë grumbulluar në mes të rrugës para ministrisë dhe u është posaçërisht vënë flaka.

Aksioni i sotëm nisi me përplasje të ashpra mes studentëve dhe efektivëve të rendit, pasi protestuesit kërkuan përgjegjësi për ngjarjen e një dite më parë, ku një efektiv shtyu me forcë një 21-vjeçar, i cili ka pësuar krisje të shtyllës kurrizore dhe po trajnohet në Spitalin e Traumës.

Përmes tymit dhe flakëve që përfshinë rrugën kryesore, të rinjtë kanë vijuar thirrjet kundër klasës politike në vend, duke brohoritur në kor “Duam revolucion!”, si dhe “Rama n’burg” e “Berisha n’burg”.