WASHINGTON — Katie Zacharia ka reaguar për herë të parë disa orë pas shkarkimit nga presidenti Donald Trump nga pozicioni i sekretares së shtypit të Shtëpisë së Bardhë.

Përmes një postimi në rrjetet sociale, Zacharia i është referuar Trump-it duke e vlerësuar figurën e tij dhe duke theksuar se shërbimi pranë tij ishte një nder i madh, ndërsa shtoi se ai do të vazhdojë ta bëjë Amerikën të madhe.

Lidhur me përvojën e saj dhe figurën e presidentit, Katie Zacharia deklaroi:

"Presidenti Trump është një njeri i sjellshëm, i mrekullueshëm, bujar, i dashur, entuziast dhe punëtor. Do të doja që më shumë amerikanë ta vlerësonin atë. Askush nuk do ta bëjë kurrë Amerikën aq të madhe sa e ka bërë ai dhe vazhdon ta bëjë. Ishte një nder të punoja për të."

Reagimi i saj erdhi vetëm disa orë pas përfundimit të një mandati mjaft të shkurtër, i cili u shoqërua me kritika të ashpra mbi praninë e saj në sallën e informimit në Shtëpinë e Bardhë dhe pyetje mbi kualifikimet e saj profesionale.

Zacharia u përzgjodh nga Trump më 9 tetor për të zëvendësuar Karoline Leavitt dhe mori detyrën zyrtarisht më 12 tetor. Megjithatë, dalja e saj e parë përballë gazetarëve të nesërmen zgjati vetëm 14 minuta dhe nxiti reagime të shumta lidhur me mënyrën e menaxhimit të pyetjeve.

President Trump is a kind, wonderful, gracious, thoughtful, enthusiastic, and hardworking man. I wish more Americans appreciated him. No one will ever make America great the way he has and continues to.

It was an honor to work for him. https://t.co/Tp4NizrhE2

— Katie Zacharia (@KatieZacharia) October 17, 2026