Një episod tjetër simbolik u regjistrua në orët e mbrëmjes përpara godinës së Kryeministrisë, ku një qytetar u ngjit në shkallët e institucionit me vajzën e tij të mitur në krahë dhe të shoqëruar nga bashkëshortja, duke u përballur drejtpërdrejt me kordonin e policisë.

I riu qëndroi për disa çaste i revoltuar përballë efektivëve të rendit, duke shprehur zemërimin e tij për situatën e krijuar në kryeqytet, dhunën e ushtruar dhe përdorimin e gazit lotsjellës gjatë përplasjeve. Gjithashtu, ai u bëri thirrje të përsëritura punonjësve të Policisë së Shtetit që të heqin kapelet dhe të solidarizohen me protestuesit.