Trazirat dhe protestat studentore janë shtrirë edhe në qytetin e Shkodrës, ku mbrëmjen e së premtes u regjistrua një incident i dhunshëm ndaj godinës së institucionit vendor.

Disa të rinj të maskuar kanë hedhur bomba molotov në drejtim të godinës së Bashkisë së Shkodrës, por nga ky sulm nuk raportohet për dëme materiale apo të lënduar.

Incidenti i mbrëmjes vijoi pas protestës së zhvilluar që gjatë paradites në qytet, ku studentët marshuan nga sheshi "Nënë Tereza" drejt Fakultetit të Drejtësisë dhe atij Ekonomik, duke u bërë thirrje bashkëmoshatarëve të tyre që t’i bashkohen kauzës dhe të bojkotojnë procesin mësimor.