Për shkak të zhvillimeve të fundit në kryeqytet, ambasada do të qëndrojë e mbyllur deri në një njoftim të dytë. Për rastet urgjente konsullore, qytetarët mund të kontaktojnë numrin e emergjencës.

TIRANË – Ambasada e Izraelit në Tiranë ka njoftuar mbylljen e aktivitetit të saj duke nisur nga dita e sotme, për shkak të situatës së krijuar nga protestat në kryeqytet.

Përmes një njoftimi të publikuar në faqen e saj zyrtare, ambasada bën me dije se rihapja do të varet nga ecuria e situatës, pa përcaktuar një datë konkrete për rifillimin e aktivitetit.

“Për shkak të zhvillimeve të fundit, Ambasada e Izraelit në Tiranë është aktualisht e mbyllur”, thuhet në njoftim.

Ambasada u ka bërë thirrje qytetarëve që kanë nevoja urgjente konsullore të kontaktojnë numrin celular të emergjencës së institucionit.

Mbetet e paqartë se sa do të zgjasë mbyllja, ndërsa çdo vendim për rihapjen do të varet nga zhvillimet e mëtejshme të situatës në kryeqytet.