Në lidhje me një video të publikuar në rrjetet sociale, Policia e Tiranës doli pak çaste më parë me një sqarim për opinionin publik duke pranuar se ata janë shoqëruar nga policia, por shtoi se nuk janë në komisariate. Më herët noa.al raportoi se skenat e rënda ishin në mjediset e ministrisë së Arsimit.

Drejtoria e Policisë Tiranë nuk përmendi emrin e ministrisë por u mjaftua të thotë se pamjet i përkasin një institucioni shtetëror:

Ja deklarata e plotë:

Personat e shfaqur në videon e publikuar në media nuk janë në dhomat e shoqërimit në komisariate apo në dhomat e bllokut të sigurisë, por janë në momentin e parë të neutralizimit në flagrancë nga shërbimet e Policisë, në një nga institucionet shtetërore ku tentonin të hynin dhe ku po sulmonin punonjësit e Policisë.

Më pas, ata janë shoqëruar në komisariat nga shërbimet e Policisë.