Këngëtarja e njohur Elvana Gjata ka reaguar përmes një mesazhi të publikuar në rrjetin social Instagram lidhur me protestat e studentëve dhe përplasjet e dhunshme në kryeqytet, duke shprehur shqetësimin e saj të thellë për situatën në vend.

Përmes reagimit të saj, artistja u bëri thirrje drejtuesve të shtetit që të dëgjojnë kërkesat e rinisë dhe të hapin rrugën për një dialog të vërtetë, pa kushte dhe pa paragjykime. Ajo theksoi se rinia është e ardhmja e vendit dhe meriton vëmendje e përkushtim nga institucionet.

Në të njëjtën kohë, Gjata i nxiti të rinjtë që të vijojnë të ngrenë zërin dhe të protestojnë për të drejtat e tyre, por duke shmangur me çdo kusht dhunën dhe shkatërrimin e pronës publike e private. Ajo nënvizoi se kauza e të rinjve duhet të mbështetet përmes protestës qytetare dhe jo përmes akteve destruktive.