SHKODËR – Detaje të reja janë zbardhur nga shpërthimi me lëndë plasëse i regjistruar mbrëmjen e sotme në qytetin e Shkodrës. Ngjarja ka ndodhur në lagjen Kiras, në zonën e njohur si ish-Poçeria përgjatë Unazës Perëndimore, ku tritol i është vendosur derës së banesës së efektivit të Policisë së Shtetit, Ardjan Baçina.

Efektivi i shënjestruar shërben pranë Sektorit të Kriminalistikës.

Sipas të dhënave të konfirmuara, nga shpërthimi i fuqishëm nuk ka persona të lënduar, por vetëm dëme materiale në hyrjen e shtëpisë. Grupi hetimor ndodhet në vendngjarje dhe po punon për zbardhjen e motiveve që mund të lidhen me detyrën e efektivit, si dhe për identifikimin e kapjen e autorëve.