Partia Socialiste ka reaguar pas incidenteve të dhunshme të regjistruara gjatë protestës në Tiranë, ku u raportuan sulme ndaj punonjësve të policisë dhe dëmtime të bizneseve.

Përmes një mesazhi të publikuar në rrjetet sociale, PS ka shpërndarë pamje të efektivëve të policisë të dhunuar dhe të dëmeve të shkaktuara, duke paralajmëruar se personat përgjegjës do të përballen me ligjin.

“Përgjegjësia para ligjit është e gjithsecilit dhe gjithkush që ka dorë në këtë katrahurë sigurisht që do paguajë”, thuhet në reagimin e Partisë Socialiste.

Më tej, në mesazhin e saj, PS thekson se Shqipëria nuk do të kthehet pas dhe se e ardhmja e vendit u përket qytetarëve.

“Shqipëria nuk do të kthehet më kurrë pas.

Shqiptarët kurrë më nuk do të jenë pengje të së shkuarës.

E ardhmja është e Shqipërisë dhe shqiptarëve”, përfundon reagimi i Partisë Socialiste.