TIRANË — Eurodeputeti Fredi Beleri ka reaguar zyrtarisht lidhur me zhvillimet dhe protestat masive që po zhvillohen në Shqipëri.

Përmes një deklarate, Beleri u shpreh se ndërsa Komisioni Europian përshëndet përparimin e vendit, në Tiranë studentët dhe qytetarët po protestojnë kundër korrupsionit dhe mungesës së shtetit të së drejtës, duke u përballur me dhunë policore dhe gaz lotsjellës.

Deklarata e plotë e eurodeputetit Fredi Beleri:

"Çfarë po ndodh, më në fund, në Shqipëri? Ndërsa Komisioni Europian përshëndet përparimin e Shqipërisë në rrugën drejt anëtarësimit, në Tiranë studentë dhe qytetarë protestojnë kundër korrupsionit dhe mungesës së shtetit të së drejtës, duke u përballur me dhunë policore dhe gaz lotsjellës.

Raportet e Parlamentit Europian dhe të Organizatës për Siguri dhe Bashkëpunim në Europë kanë evidentuar probleme serioze në procesin zgjedhor. Por demokracia nuk përfundon te kutia e votimit!

Europa duhet t’i dëgjojë qytetarët që kërkojnë një të ardhme më të mirë dhe të mos lejojë që zhgënjimi i tyre të shndërrohet në antieuropianizëm. Anëtarësimi në Bashkimin Europian kërkon respekt të vërtetë për institucionet demokratike dhe të drejtat e njeriut. Po rrugës europiane të Shqipërisë. Jo një çeku të bardhë për Edi Ramën!"