Policia e Shtetit ka nisur një valë të re operacionesh në terren për kapjen dhe arrestimin e të rinjve të përfshirë në trazirat dhe aktet e dhunës gjatë protestës studentore në kryeqytet.

Në pamjet e siguruara nga terreni gjatë orëve të vona të mbrëmjes, efektivët e policisë shihen duke ndjekur me vrap nëpër rrugë e dytësore dhe zona të ndryshme të Tiranës disa nga protestuesit që u larguan nga sheshet kryesore.

Ndërhyrjet policore po kryhen në mënyrë të menjëhershme duke çuar në ndalimin dhe arrestimin e disa prej të rinjve të identifikuar gjatë përplasjeve, ndërsa forcat e rendit vijojnë kontrollin e territorit për të parandaluar grumbullime të tjera.