Të dhënat po ngarkohen...
Transmetuar më 14-10-2026, 13:09
TIRANË — Policia e Shtetit ka arritur të shpërndajë turmën e protestuesve të mbledhur përpara Ministrisë së Arsimit, pas ndërhyrjes me autobotin e ujit me presion.
Për të mundësuar lëvizjen e mjetit të policisë, efektivët e rendit kanë hequr kangjellat metalike të shkulura me të cilat protestuesit kishin bllokuar Rrugën e Durrësit. Pas zhbllokimit të aksit, autoboti ka nisur spërkatjen me ujë me presion drejt të rinjve.
Paralelisht me shpërndarjen e turmës, forcat e policisë kanë nisur shoqërimin e disa prej protestuesve në ambientet e komisariateve, ndërsa situata në zonë vijon të mbetet e tensionuar.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd