Bordi i Transaparencës dhe Kufizimit të Përkohshëm të çmimeve të tregtimit të naftës dhe benzinës vendosi sot të ulë vlerat për orët në vazhdim.

Çmimi i shitjes me pakicë i nënproduktit gazoil i standardit SSH EN 590 u vendos të jetë jo më shumë se 213 lekë/litri.

Çmimi i shitjes me pakicë i nënproduktit benzinë e standardit SSH EN të jetë jo më shumë se 190 lekë/litri.

Çmimet e caktuara nga Bordi do të hynë në fuqi sot datë 14 ora 14.00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Më herët dje, në mbledhjen pararendëse ky bord rriti në 219 lekë çmimin e naftës dhe 196 lekë benzinën. /noa.al