TIRANË — Partia e Demokratëve Europianë ka reaguar lidhur me zhvillimet dramatike gjatë protestës studentore në Tiranë, duke i cilësuar pamjet e mbërritura nga kryeqyteti si thellësisht shqetësuese.

Në reagimin e tyre zyrtar, ata ndalen te pamjet e një të riu me këmbën e dëmtuar rëndë, i cili u transportua nga efektivët e policisë, ndërsa ngrenë shqetësime serioze mbi raportimet për përdorimin e forcës së tepruar policore, përplasjet e dhunshme dhe numrin e të lënduarve.

Demokratët Europianë i kërkojnë Kryeministrit Edi Rama të mbajë përgjegjësi politike për situatën e krijuar, duke nëlinejuar se e ardhmja europiane e vendit nuk mund të ndërtohet mbi konfrontimin dhe gërryerjen e besimit te demokracia.

Reagimi i plotë i Demokratëve Europianë:

“Pamjet dhe videot që po vijnë nga #Tirana janë thellësisht shqetësuese. Të gjithë kemi parë pamjet tronditëse të një të riu me këmbën e thyer rëndë, i cili po largohej i transportuar nga efektivët e policisë. Raportimet për përdorim të tepruar të forcës policore, përplasje të dhunshme dhe të lënduar në të gjithë kryeqytetin ngrenë pikëpyetje jashtëzakonisht serioze.

Edi #Rama duhet të marrë përgjegjësi politike për atë që po ndodh. E ardhmja europiane e #Shqipërisë nuk mund të ndërtohet mbi konfrontimin apo gërryerjen e besimit te demokracia. Ajo kërkon dialog, llogaridhënie, respekt për të drejtat themelore dhe sundimin e ligjit.”