DIBËR, 13 Tetor 2026 — Kryetari i Partisë Demokratike, Sali Berisha, i pranishëm në Dibër gjatë zhvillimit të “Foltores së Ripërtëritjes”, ka komentuar përshkallëzimin e protestës studentore në Tiranë, duke e cilësuar atë si një qëndresë historike dhe duke bërë thirrje për bashkim të gjerë shoqëror.

Gjatë fjalës së tij përpara mbështetësve demokratë, Berisha i shpalli studentët protestues "heronj të vërtetë", ndërsa akuzoi ekzekutivin e udhëhequr nga Kryeministri Edi Rama për dështim në menaxhimin e vendit dhe në arsim.

“Sot studentët treguan se janë heronj të vërtetë, ata bënë përballje epike. Sot kërkohet që krahas heronjve në Tiranë, të bashkohen vlera të tjera të shumta, në mënyrë që t’i japim duart kësaj të keqeje të madhe dhe të përpunojmë së bashku vizionin më të mirë për Shqipërinë,” u shpreh Berisha.

Kreu i opozitës u bëri thirrje strukturave dhe mbështetësve të Partisë Demokratike që të ripërtërijnë radhët e tyre organizative dhe të rrisin presionin ndaj qeverisë në mbështetje të kërkesave studentore dhe opozitare.