BRUKSEL, 13 Tetor 2026 — Partia Demokratike Europiane (EDP) ka reaguar zyrtarisht ndaj tensioneve dhe përplasjeve të regjistruara gjatë protestës së studentëve në Tiranë, duke u bërë thirrje autoriteteve shqiptare për vetëpërmbajtje dhe trajtim me përgjegjësi të kërkesave të të rinjve.

Përmes një deklarate publike, EDP shprehu shqetësimin për përdorimin e gazit lotsjellës, autobotëve me ujë dhe shoqërimin e protestuesve nga forcat e rendit. Formacioni politik evropian nënvizoi se veprimet e policisë duhet të respektojnë parimin e proporcionalitetit, ndërsa u bëri apel edhe protestuesve për të ruajtur karakterin paqësor të tubimit.

“E ardhmja evropiane e Shqipërisë nuk mund të ndërtohet mbi represionin apo arrogancën, por mbi dialogun, të drejtat themelore dhe përgjegjësinë demokratike,” deklaroi EDP.

Në një mesazh të drejtpërdrejtë drejtuar Kryeministrit Edi Rama, EDP i kërkoi ekzekutivit shqiptar të braktisë atë që e cilësoi si “kullë të fildishtë”, duke u përballur me shqetësimet e studentëve përmes transparencës, llogaridhënies dhe dialogut konstruktiv.