DURRËS — Shoqëria Rajonale Ujësjellës Kanalizime Durrës (SHRUKD) ka njoftuar abonentët se gjatë ditës së nesërme, e mërkurë, 14 tetor 2026, priten çregullime dhe probleme me furnizimin me ujë të pijshëm në të gjithë zonën e saj të shërbimit.

Sipas njoftimit zyrtar, kufizimet do të prekin qytetin e Durrësit, zonën e fshatrave, zonën turistike, si dhe bashkitë Shijak e Maminas.

Shkak për këtë ndërprerje janë punimet e njoftuara nga Operatori i Sistemit të Transmetimit (OST), i cili do të kryejë stakimin dhe tokëzimin e linjës 110 kV L110-36 Laç 1 – Fushë Kuqe nga ora 09:00 deri në orën 14:00.

Për shkak të stakimit të kësaj linje, do të mbesin pa energji elektrike stacionet kryesore të pompave në Fushë Kuqe, Fushë Milot dhe Fushë Krujë, prej të cilave varet furnizimi i të gjithë rajonit.

SHRUKD ka kërkuar mirëkuptimin e qytetarëve dhe abonentëve për këtë situatë të përkohshme të furnizimit me ujë.