LEZHË — Drejtoria Vendore e Policisë Lezhë ka finalizuar operacionin e koduar “Argos”, duke parandaluar një ngjarje të mundshme kriminale me motiv hakmarrjen në zonën e Kurbinit, lidhur me vrasjen e shtetasit Ilir Gjoni (40 vjeç), e kryer më 9 korrik 2026.

Në kuadër të këtij operacioni u arrestua në Fushë Milot vëllai i viktimës, shtetasi Emanuel Gehard, alias Basha, alias Lika, 37 vjeç, i cili rezulton person me precedentë të mëparshëm kriminalë.

I arrestuari po lëvizte me një automjet të blinduar tip Mercedes-Benz ML me targa gjermane. Gjatë kontrollit fizik, shërbimet e policisë i gjetën dhe i sekuestruan një armë zjarri automatike të tipit Skorpion me një krehër të mbushur me 16 fishekë.

Policia e Shtetit bën me dije se hetimet po vijojnë me intensitet për zbardhjen e plotë të rrethanave, si dhe për kapjen e autorit të vrasjes së 40-vjeçarit të ndodhur në muajin korrik. Materialet procedurale i kaluan Prokurorisë për veprime të mëtejshme.

DVP Lezhë/Inteligjenca kriminale parandalon një tjetër vrasje, dyshohet për hakmarrje për vrasjen e shtetasit Ilir Gjoni, 40 vjeç, kryer më datë 9 korrik, në Kurbin.

Finalizohet operacioni i koduar “Argos”.

Lëvizte i armatosur dhe me automjet të blinduar, me targa gjermane, arrestohet në Fushë Milot, vëllai i 40-vjeçarit. I arrestuari, shtetas me precedent kriminal.

Sekuestrohen 1 armë zjarri automatike tip "Skorpion" municion luftarak dhe automjeti tip “Mercedes-Benz ML”.

Si rezultat i monitorimit permanent të situatës në qark, nëpërmjet punës intensive operative dhe kontrolleve, si dhe si rezultat i analizimit dhe ndjekjes në dinamikë të ngjarjeve kriminale të ndodhura më parë, me qëllim parandalimin e ngjarjeve të lidhura me to dhe parandalimin e krimeve në përgjithësi, specialisët e Sektorit për Hetimin e Krimeve të Rënda, në bashkëpunim me specialistët e Seksionit Operacional të Hetimit dhe me shërbimet e Komisariatit të Policisë Kurbin, finalizuan operacionin e koduar “Argos”.

Në kuadër të operacionit u parandalua një vrasje, dyshohet për hakmarrje në lidhje me vrasjen e shtetasit I. Gj. alias I. L. alias I. K. alias I. N., 40 vjeç, kryer më datë 09.07.2026, në Kurbin.

Po në kuadër të operacionit u arrestua shtetasi E.(G.) B.(L.), 37 vjeç, banues në Kurbin, me precedent për përfshirje në ngjarje kriminale të mëparshme (vëllai i 40-vjeçarit)

Automjeti tip “Mercedes-Benz ML”, i blinduar dhe me targa gjermane, që drejtonte 37-vjeçari, u ndalua në Fushë Milot. Gjatë kontrollit fizik, 37-vjeçarit iu gjet 1 armë zjarri automatike tip "Skorpion" me një krehër me 16 fishekë.

Vijojnë intensivisht hetimet dhe puna policore, për kapjen e autorit të vrasjes së 40-vjeçarit, si dhe për dokumentimin e rrethanave të saj.

Materialet procedurale iu referuan Prokurorisë, për veprime të mëtejshme.