TIRANË — Përfaqësuesit e opozitës kanë braktisur mbledhjen e Konferencës së Kryetarëve në shenjë proteste ndaj vendimmarrjes dhe mënyrës së drejtimit të punëve në Kuvend nga ana e shumicës parlamentare.

Deputetja e Partisë Demokratike, Jorida Tabaku, lëshoi akuza ndaj mazhorancës për trajtim të papërgjegjshëm të kërkesave të opozitës si dhe për propozimet për ndryshimin e kalendarit e programit të punës së Kuvendit, duke kërkuar që vëmendja të përqendrohet te interpelancat dhe projektligjet e mbetura pezull nga seancat e mëparshme.

Gjatë diskutimeve në mbledhje, deputetja Jorida Tabaku u shpreh:

“E keni kthyer Kuvendin në tallje. Kërkesat që kemi refuzuar tre muaj më parë, i sillni këtu copy-paste dhe kërkoni t’i votoni.”