TIRANË — Sekretariati për Etikën dhe Votimet në Kuvendin e Shqipërisë ka miratuar masën më të rëndë disiplinore ndaj dy deputetëve të opozitës, Gazment Bardhi dhe Klevis Balliu, duke i përjashtuar ata me 60 ditë nga punimet parlamentare.

Vendimi u mor pas kërkesës zyrtare të parashtruar nga grupi parlamentar i Partisë Socialiste, i cili akuzoi dy përfaqësuesit e Partisë Demokratike për nxitje të tensioneve dhe incidenteve gjatë seancës për votimin e Reformës Territoriale. Sipas mazhorancës, gjatë aksionit bllokues u hodhën shishe uji dhe vezë në drejtim të kryeministrit Edi Rama, drejtuesve të seancës dhe anëtarëve të tjerë të kabinetit e mazhorancës.

Përmes këtij vendimi të marrë nga Sekretariati i Etikës, të dy deputetët e opozitës digjojnë të drejtën e pjesëmarrjes si në seancat plenare, ashtu edhe në mbledhjet e komisioneve parlamentare përgjatë dy muajve të ardhshëm.