TIRANË, 11 Tetor 2026 — Një deklaratë e bërë nga Selin Bollati gjatë emisionit “Goca dhe Gra” ka nxitur diskutime të shumta në rrjet mbi emrat e mundshëm që do të ulen në karriget e opinionistëve për edicionin e gjashtë të reality show-t “Big Brother VIP Albania”.

Gjatë diskutimit në studio lidhur me festën e nisjes së sezonit të ri televiziv të Top Channel, Selin përmendi se mes të pranishmëve do të jenë edhe Arbër Hajdari dhe Monika Kryemadhi, dy opinionistët e edicionit të kaluar. Kjo deklaratë ngjalli menjëherë reagimin e moderatores Orinda Huta, e cila e pyeti nëse kjo nënkuptonte konfirmimin e rikthimit të tyre edhe për sezonin e ri.

Megjithëse Selin u tregua e kujdesshme duke sqaruar se nuk po zyrtarizonte asnjë emër lidhur me përbërjen e panelit, përmendja e dy figurave të edicionit të pestë ka shtohet kuriozitetin e publikut për mbarëvajtjen e formatit televiziv. Deri më tani, producentët e programit nuk kanë dhënë asnjë konfirmim zyrtar lidhur me stafin e opinionistëve për "Big Brother VIP Albania 6".