MESTRE, 11 Tetor 2026 — Një shtetas shqiptar është arrestuar në flagrancë nga policia italiane në Mestre të Venecias, pasi akuzohet se përndiqte prej kohësh ish-partneren e tij. Ngjarja e fundit u regjistrua brenda një picerie ku ndodhej gruaja, e cila, e alarmuar nga prania e papritur e ish-partnerit, u detyrua të izolohej në tualetin e lokalit dhe të telefononte me urgjencë forcat e rendit.

Sipas verifikimeve të kryera nga efektivët e policisë pas mbërritjes në vendngjarje, i arrestuari e kishte kërcënuar vazhdimisht ish-partneren përmes mesazheve dhe telefonatave, si dhe e ndiqte rregullisht në ambientet që ajo frekuentonte. Kjo sjellje persekutuese i kishte shkaktuar viktimës gjendje të vazhdueshme ankthi, duke e detyruar të ndryshonte edhe zakonet e përditshme. Shqiptari ndodhet tashmë në duart e drejtësisë italiane ku po përballet me veprën penale të përndjekjes.