ROMA, 11 Tetor 2026 — Papa Leoni XIV ka njoftuar publikisht se do t’i nënshtrohet një ndërhyrjeje kirurgjikale gjatë ditëve në vijim, pasi kontrollet e fundit mjekësore kanë zbuluar praninë e një mase në mushkërinë e tij.

Lajmin e dha vetë Ati i Shenjtë, 71 vjeç, gjatë lutjes tradicionale të së dielës në Sheshin e Shën Pjetrit në Romë. Papa sqaroi se masa është identifikuar në një fazë të hershme nga mjekët dhe se ajo është e lokalizuar, çka lehtëson ndërhyrjen e planifikuar.

Zëdhënësi i Selisë së Shenjtë, Matteo Bruni, konfirmoi se operacioni do të kryhet në ditët e para të javës së ardhshme në spitalin “Gemelli” në Romë, ku ndodhet edhe suita e posaçme e rezervuar për krerët e Kishës Katolike. Pas ndërhyrjes, Ati i Shenjtë pritet të kalojë një periudhë rikuperimi prej rreth një jave.

Papa Leoni XIV (me emrin e lindjes Robert Francis Prevost), i cili u zgjodh në krye të Kishës Katolike në vitin 2025 si pasardhës i Papa Françeskut, është Papa i 267-të dhe i pari me origjinë amerikane në historinë e Vatikanit.