Rigers Mela dhe Beqir Devolli janë 2 burrat që u plagosën rëndë sonte në atentatin e frikshëm që ndodhi në mes të Gjirokastrës.

Noa.al zbardhi emrat e dy personave që mbetën të plagosur mbrëmjen e kësaj të shtune, pas shpërthimit të dyshuar të një automjeti tip “Benz” në qytetin e Gjirokastrës.

Bëhet fjalë për Beqir Devollin dhe Rigers Melën, të cilët kanë përfunduar në spital pas ngjarjes së ndodhur në bulevardin “18 Shtatori”.

Mjeti ishte në pronësi të shtetasit Beqir Devolli, i cili ka mbetur i dëmtuar nga shpërthimi, së bashku me shtetasin Rigers Mela

Sipas informacionit të policisë, automjeti tip “Benz”, në pronësi të Beqir Devollit, dyshohet se ka shpërthyer rreth orës 22:00, teksa ishte në lëvizje.

Si pasojë e shpërthimit, Devolli dhe Mela kanë mbetur të dëmtuar dhe janë transportuar në spital, ku ndodhen në gjendje të rëndë nën kujdesin e mjekëve.

Ende nuk ka detaje zyrtare mbi gjendjen e tyre shëndetësore, ndërsa shkaqet e shpërthimit mbeten të paqarta.

Më herët, në prill 2025 u raportua se një makinë Land Rover në pronësi të Rigers Melës u dogj në mes të Gjirokastrës.

Grupi hetimor vijon punën për të përcaktuar se çfarë e shkaktoi shpërthimin e automjetit dhe për të zbardhur plotësisht rrethanat e ngjarjes.