Një përfundim tragjik pati shpërthimi i fuqishëm në ambientet e kompanisë Motor Oil, i cili ndodhi mëngjesin e së premtes, 9 tetor.

Njëri nga dy punonjësit e plagosur rëndë ka humbur jetën. Bëhet fjalë për 43-vjeçarin nga Shqipëria Robert Caka, 43 vjeç. Ai u dërgua në Njësinë e Djegieve të Spitalit Thriasio dhe, fatkeqësisht, mjekët nuk arritën ta rikthenin në jetë.

Punonjësi i dytë, Dorian H., 50 vjeç, ndodhet i shtruar në gjendje shumë të rëndë, i intubuar në Njësinë e Kujdesit Intensiv të spitalit.

Sakaq bëhet e ditur se janë edhe katër të plagosur nga shpërthimi. "Gjithsej pesë punonjës të Motor Oil mbetën të plagosur dhe dyshohet se i përkisnin një ekipi të jashtëm që po kryente punime në ambientet e kompanisë, konkretisht në njësinë “U6700”, thanë zyrtarët lokalë që noa.al.

Si ndodhi shpërthimi

Shpërthimi ndodhi sot kur, gjatë punimeve, një kapak në një valvul gazi u shkëput si pasojë e presionit, duke shkaktuar një shpërthim të fuqishëm dhe plagosjen e punonjësve.

Në vendngjarje pati një mobilizim të madh, ndërsa ambulancat private të kompanisë Motor Oil mbërritën  për të dhënë ndihmën e parë dhe për të transportuar të plagosurit në Spitalin e Korinthit, i cili ndodhet më afër.

Megjithatë, dy nga pesë të plagosurit, gjendja shëndetësore e të cilëve ishte përkeqësuar, u transferuan në Spitalin Thriasio.

Më pas, njëri prej tyre, 43-vjeçari, ndërroi jetë si pasojë e plagëve të marra, ndërsa 50-vjeçari ndodhet i intubuar në Njësinë e Kujdesit Intensiv.

Rrethanat në të cilat ndodhi incidenti mbeten nën hetim dhe po kryhet një ekspertim në ambientet e kompanisë Motor Oil. /noa.al