Tiranë, 9 tetor 2026 – Gjykata Kushtetuese ka pranuar pjesërisht kërkesën e kreut të Partisë Demokratike, Sali Berisha, lidhur me masën e sigurisë “detyrim për paraqitje”.

Në vendimin e marrë të premten, me shumicë votash, Kushtetuesja ka vendosur shfuqizimin e vendimit të Kolegjit Penal të Gjykatës së Lartë, të datës 22 prill 2025, duke e konsideruar atë të papajtueshëm me Kushtetutën.

Gjithashtu, Gjykata Kushtetuese ka vendosur që çështja të kthehet për rishqyrtim në Gjykatën e Lartë.

Megjithatë, vendimi nuk e shfuqizon drejtpërdrejt masën e sigurisë “detyrim për paraqitje”, të cilën Berisha kishte kërkuar ta hiqte. Çështja do të shqyrtohet sërish nga Gjykata e Lartë, e cila do të duhet të veprojë në përputhje me vendimin e Kushtetueses.

Vendimi i Gjykatës Kushtetuese përbën një zhvillim të rëndësishëm në procesin gjyqësor që lidhet me masën e sigurisë ndaj kreut të opozitës.