TIRANË — Komiteti Disiplinor i Dhomës së Avokatisë ka përmbyllur shqyrtimin e rastit të avokatit Mirgen Gjoci, i cili mori pjesë në seancën e caktimit të masës së sigurisë për shtetasen Gerta Gjoci në GJKKO, duke thyer bojkotin e shpallur nga Dhoma.

Ndryshe nga masa e pezullimit prej dy vitesh e dhënë ndaj avokatit Lefter Xhengo, Komiteti Disiplinor vendosi të mos aplikojë masë të rëndë ndaj Gjocit, duke u mjaftuar vetëm me vërejtje dhe këshillim. Në këtë vendimmarrje janë marrë parasysh rrethanat familjare dhe arsyet humanitare, pasi e mbrojtura është nusja e vëllait të avokatit dhe nëna e një foshnjeje katërmujore.

Bojkoti i avokatëve është ndërmarrë në shenjë proteste ndaj rregullores së re të GJKKO-së, e cila sipas Dhomës së Avokatisë cenon ushtrimin e profesionit dhe të drejtat e mbrojtjes ligjore.