Të dhënat po ngarkohen...
Transmetuar më 09-10-2026, 13:33
TIRANË — Komiteti Disiplinor i Dhomës së Avokatisë ka vendosur pezullimin me dy vite të licencës profesionale për avokatin Lefter Xhengo, mbrojtësit ligjor të administratorit të inceneratorit të Elbasanit, Leli Kaja, pas thyerjes së vendimit për bojkotin e seancave gjyqësore.
Vendimi u mor gjatë një mbledhjeje urgjente të Komitetit Disiplinor të zhvilluar këtë të premte, e thirrur pas pjesëmarrjes së avokatit në seancën e zhvilluar në Gjykatën e Posaçme kundër Korrupsionit dhe Krimit të Organizuar (GJKKO) për caktimin e masës së sigurisë, pavarësisht bojkotit zyrtar të shpallur nga Dhoma e Avokatisë.
Mbledhja e Komitetit Disiplinor po vijon me shqyrtimin e rastit të një avokati tjetër, i cili gjithashtu theu bojkotin gjatë seancës gjyqësore për caktimin e masës së sigurisë ndaj shtetases Gerta Gjoci.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd