TIRANË — Tre persona janë arrestuar nga Policia e Shtetit gjatë një operacioni të koduar me fokus parandalimin e ngjarjeve të rënda kriminale, pasi dyshohet se po përgatiteshin për kryerjen e një atentati.

Aksioni policor është shtrirë paralelisht në disa rajone të vendit, përfshirë Shkodrën, Lezhën, Kamzën dhe Sarandën, ku janë ushtruar kontrolle në banesa dhe ambiente të ndryshme. Burime nga grupi hetimor bëjnë me dije se personat e ndaluar po verifikohen gjithashtu për lidhje të mundshme me ngjarje të mëparshme kriminale dhe atentate të regjistruara më parë në Sarandë dhe Mirditë.

Strukturat e hetimit të krimit po vijojnë punën në terren për dokumentimin e plotë të veprimtarisë së dyshuar kriminale, përcaktimin e rolit të secilit prej të arrestuarve, si dhe për identifikimin e personave të tjerë të cilët mund të jenë të përfshirë në këtë rrjet.