TIRANË — Mëngjesi i kësaj të premteje ka sjellë bllokim të rënduar të qarkullimit rrugor në akset kryesore hyrëse dhe përbashkuese të kryeqytetit, duke krijuar radhë të gjata automjetesh e trafik kilometrik.

Reshjet e vazhdueshme të shiut dhe kushtet e rënduara atmosferike kanë ngadalësuar lëvizjen e mjeteve, ndërsa fluksi i zakonshëm i orëve të mëngjesit ka përkeqësuar situatën veçanërisht në nyjat kryesore rrugore. Segmentet më të ngarkuara mbeten Unaza e Madhe, zonat e Astirit, Laprakës, Don Boskos, Ali Demit si dhe aksi i Saukut.

Policia Rrugore u ka bërë thirrje drejtuesve të mjeteve të tregojnë kujdes të shtuar gjatë drejtimit të automjeteve, të ulin shpejtësinë e lëvizjes dhe të ruajnë distancën e sigurisë me mjetet e tjera për të shmangur aksidentet potenciale në rrugë.