SARANDË — Një aksident rrugor ka ndodhur gjatë orëve të mëngjesit të sotëm në aksin Sarandë-Skëficë, pak metra larg hyrjes së tunelit, ku dy automjete janë përplasur me njëra-tjetrën.

Sipas verifikimeve paraprake të kryera nga policia rrugore në vendngjarje, automjeti i llojit "Seat" ka humbur kontrollin dhe ka dalë nga rruga, duke u përplasur me një mjet të llojit "Hyundai". Nga përplasja e fuqishme janë shkaktuar vetëm dëme materiale në të dyja mjetet, pa pasoja në njerëz.

Shërbimet e policisë i nënshtruan të dy drejtuesit e mjeteve testit të alkoolit, nga i cili rezultoi se asnjëri prej tyre nuk kishte konsumuar pije alkoolike. Ekspertët rrugorë po kryejnë veprimet e nevojshme për të përcaktuar shkaqet e plota të humbjes së kontrollit nga mjeti i parë.