TIRANË, 9 Tetor 2026 — Ditën e sotme vendi ynë do të ndikohet nga kushte atmosferike të paqëndrueshme, ku mbizotëruese do të jenë vranësirat e shpeshta dhe intervalet e shkurtra të kthjellimeve.

Sipas parashikimeve meteorologjike, reshjet e shiut kanë startuar që në orët e para të 24-orëshit me intensitet të ulët në pjesën më të madhe të territorit.

Situata paraqitet më e ngarkuar në zonat e veriperëndimit, ku reshjet parashikohen me intensitet mesatar deri të lartë, herë pas here në formën e shtrëngatave afatshkurtra të shoqëruara me shkarkesa elektrike.

Gjatë orëve të ditës, reshjet do të mbeten prezente, por me një intensitet që do të variojë kryesisht nga i ulët në lokalisht mesatar.

Sa i përket parametrave të erës, ajo do të fryjë me drejtim kryesor nga juglindja dhe jugperëndimi me një shpejtësi mesatare prej 7 m/s.

Sidoqoftë, përgjatë vijës bregdetare dhe në zonat luginore era pritet të fitojë intensitet, duke arritur hove deri në 14 m/s.

Në brigjet detare, valëzimi parashikohet të jetë i forcës 2 deri në 3 ballë.