Të dhënat po ngarkohen...
Transmetuar më 08-10-2026, 19:59
Një 35-vjeçar shqiptar ka humbur jetën tragjikisht në Itali, pas një aksidenti të rëndë të ndodhur në pyjet e Rasorës, në zonën e Bolonjës.
Viktima është identifikuar si Shkëlzen Pali, i cili jetonte prej disa vitesh në Itali. Ngjarja ka ndodhur teksa 35-vjeçari po punonte në pyll, në kuadër të aktiviteteve për prerjen dhe transportimin e trungjeve të pemëve.
Sipas informacioneve paraprake, në zonë ishte vendosur një teleferik i lëvizshëm për transportimin e trungjeve. Aksidenti dyshohet se ka ndodhur gjatë aktivizimit të kabllos së pajisjes.
Pali dyshohet se kishte futur pa e kuptuar këmbën në kabllo dhe, në momentin kur ajo u vu në lëvizje, është goditur rëndë.
Pavarësisht ndërhyrjes, 35-vjeçari nuk ka mundur t’u mbijetojë plagëve të marra.
Autoritetet italiane kanë nisur hetimet për të zbardhur rrethanat e plota të aksidentit dhe për të përcaktuar nëse janë respektuar rregullat e sigurisë në punë.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd