TIRANË — Gjykata e Posaçme e Shkallës së Parë për Korrupsionin dhe Krimit të Organizuar ka pranuar sot kërkesën për shtyrjen e ekzekutimit të dënimit për 33-vjeçaren Greta Gjoci, duke bërë që ajo të mos rikthehet në burg bashkë me foshnjën e saj katërmuajshe.

Seanca gjyqësore zgjati rreth 25 minuta, ku togat e zeza shqyrtuan kërkesën e veçantë të paraqitur nga e dënuara. Gjoci, e cila ishte transferuar vetëm një ditë më parë drejt istitucionit të ekzekutimit të vendimeve penale në Pojskë të Pogradecit, i kërkoi gjykatës shtyrjen e vuajtjes së dënimit prej 6.8 vitesh burg të dhënë nga Apeli i GJKKO-së për shkaqe humanitare që lidhen me kujdesin ndaj foshnjës.

Në këtë seancë e rezoi bojkotin e gjithanshëm të avokatëve mbrojtësi i saj ligjor, Jurgen Gjoci, i cili deklaroi se pjesëmarrja e tij në proces u bë ekskluzivisht për shkak të urgjencës humanitare që paraqiste rasti i foshnjës 4-muajshe.