TIRANË — Kuvendi i Shqipërisë ka rrëzuar sot edhe kërkesën e dytë të grupit parlamentar të Partisë Demokratike, e cila kërkonte zhvillimin e një interpelance urgjente me kryeministrin Edi Rama.

Kërkesa e paraqitur nga deputetët e opozitës u hodh në votim gjatë seancës plenare, por u refuzua nga shumica parlamentare, e cila e rrëzoi atë me 76 vota kundër.

Me këtë vendim, mazhoranca bllokoi përballjen e drejtpërdrejtë me kreun e qeverisë në sallën e seancave, ndërsa punimet e Kuvendit vijojnë nën atmosferën e tensioneve brenda sallës e përplasjeve të vazhdueshme të protestuesve me policinë jashtë saj.