TIRANË — Kuvendi i Shqipërisë ka rrëzuar sot kërkesën e grupit parlamentar të Partisë Demokratike për zhvillimin e një mocioni me debat lidhur me çështjen e ish-drejtoreshës së Shërbimit Informativ Shtetëror, Vlora Hyseni.

Kërkesa e paraqitur nga deputetët e opozitës, të cilët kërkonin hapjen e diskutimeve parlamentare për këtë çështje, u hodh në votim gjatë seancës plenare ku shumica parlamentare e rrëzoi atë me 76 vota kundër.

Me këtë vendim të mazhorancës, kërkesa e opozitës për zhvillimin e mocionit me debat u konsiderua e përfunduar, ndërsa seanca plenare vijoi me pikat e tjera të rendit të ditës.