VLORË — Një vatër e re zjarri është regjistruar mëngjesin e sotëm në lagjen “15 Tetori” në qytetin e Vlorës, duke përfshirë një sipërfaqe të kodrës ku ndodhen kryesisht ullinj dhe pemëtari.

Flakët po djegin sipërfaqe me ullinj e pemë të tjera të zonës, ndërsa situata mbetet nën monitorim. Megjithëse vatrat e zjarrit ndodhen aktualisht larg zonave të banuara, rreziku i përhapjes së mëtejshme mbetet i pranishëm për shkak të terrenit dhe kushteve atmosferike.

Forcat zjarrfikëse të Vlorës kanë mbërritur menjëherë në vendngjarje dhe po punojnë për izolimin e flakëve dhe vënien e plotë të situatës nën kontroll.