NEW YORK, 7 Tetor 2026 – Aktori i njohur amerikan Mark Ruffalo, i njohur për aktivizimin e tij politik, ka lëshuar kritika të ashpra ndaj presidentit Donald Trump gjatë tubimit "Hands Off Our Vote" të mbajtur në Nju Jork. Ai u bëri thirrje qytetarëve amerikanë që të mobilizohen masivisht për zgjedhjet e ardhshme për Kongresin dhe të mbrojnë procesin zgjedhor.

Gjatë fjalës së tij nga skena, Ruffalo u shpreh me ton të ashpër ndaj kreut të Shtëpisë së Bardhë: "Duhet ta largojmë nga detyra këtë idiot, këtë budalla, të lodhur dhe të paaftë. Duhet ta bëjmë plotësisht të pafuqishëm! Duhet t’i ndalojmë politikat e tij tani. Kush e di se çfarë do të bëjë pas dy vitesh? Ai po bën thirrje që demokratët të përjashtohen nga vendi. Dhe e mendon me bindje! Ky njeri mendon me bindje gjithçka që thotë."

Përveç thirrjes për pjesëmarrje në votime, aktori ngriti shqetësime edhe për sigurinë kibernetike të zgjedhjeve, duke përmendur drejtpërdrejt Elon Musk. Në këtë aktivitet protestues mori pjesë edhe aktori Robert De Niro, një tjetër kritik i zëshëm i Trump-it, i cili po ashtu u bëri thirrje qytetarëve të kundërshtojnë politikat e administratës.