CUNEO, 7 Tetor 2026 – Gjykata e Cuneos në Itali ka dënuar me 11 vite e 6 muaj burgim shtetasin shqiptar Altin Jakini, pasi u shpall fajtor për tentativë vrasjeje ndaj një bashkatdhetari 28-vjeçar.

Ngjarja ka ndodhur në tetor të vitit 2023 në Manta të Cuneos, ku fillimisht u raportua si aksident rrugor pasi 28-vjeçari doli nga rruga me automjet. Megjithatë, përpara se t’i ijepej ndihma mjekësore në sallën e operacionit, i riu i tregoi një efektivi të policisë se ishte qëlluar me armë zjarri. Hetimet provuan se Jakini e kishte ndjekur me furgon dhe e kishte qëlluar me pistoletë të kalibrit 22.

Sipas procesit gjyqësor, motivi i krimit ishte xhelozia, pasi biznesmeni shqiptar dyshonte se 28-vjeçari i ngacmonte të dashurën. Prokurorja e çështjes, Francesca Lombardi, kërkoi 15 vite burg me rrethanë rënduese paramendimin, por gjykata e rrëzoi këtë rrethanë duke caktuar dënimin prej 11 vitesh e 6 muajsh. Në të njëjtin proces, gjykata shpalli të pafajshëm ish-punonjësin e Jakinit, Andrea Dedi, i cili akuzohej si bashkëpunëtor. La Stampa