ZVICËR, 7 Tetor 2026 – Shtëpia e futbollit botëror, FIFA, ka publikuar sot klasifikimin e ri për kombëtaret e meshkujve pas ndeshjeve të fundit ndërkombëtare.

Përfaqësuesja e Shqipërisë 🇦🇱 ka shënuar një ecuri pozitive duke u ngjitur me një pozicion, nga vendi i 67-të në atë të 66-të në botë. Kjo ngjitje prihret pas rezultateve të qëndrueshme në përballjet e fundit zyrtare.

Ndërkohë, përfaqësuesja e Kosovës 🇽🇰 ka vendosur një tjetër rekord historik për futbollin dardan. Kombëtarja e Kosovës është ngjitur me dy vende në renditje, duke u pozicionuar në vendin e 76-të, që përbën nivelin më të lartë të arritur ndonjëherë që prej pranimit të saj në FIFA.

Në pjesën e sipërme të tabelës nuk ka ndryshime në krye: Spanja vazhdon të kryesojë renditjen botërore, e ndjekur nga Argjentina dhe Franca.