BRUKSEL, 7 Tetor 2026 – Bashkimi Evropian ka shprehur shqetësim të thellë lidhur me ndryshimet ligjore për Dhomat e Specializuara të Kosovës, të miratuara nga Kuvendi i Kosovës, duke deklaruar se ato bien ndesh me detyrimet ndërkombëtare që Prishtina ka ndaj bllokut evropian.

Ndryshimet në ligjin për Gjykatën Speciale u votua në orët e vona të së martës si pjesë e një marrëveshjeje politike që i hap rrugë zgjedhjes së Justina Shiroka Pulës në postin e Presidentes së Kosovës. Përmes një zëdhënësi zyrtar, BE-ja i bëri thirrje autoriteteve në Kosovë t’u përmbahen zotimeve për garantimin e pavarësisë gjyqësore të Dhomave të Specializuara, mandatit të tyre aktual dhe llogaridhënies ndaj viktimave.

Në të njëjtën kohë, Brukseli mirëpriti zgjidhjen e ngërçit politik dhe daljen nga bllokada institucionale që mbante të mbërthyer vendin që prej vitit 2025. Përfaqësuesit e BE-së theksuan se rikthimi i stabilitetit është kyç për përparimin e Kosovës në rrugën e integrimit evropian, zbatimin e Planit të Rritjes, Marrëveshjes së Stabilizim-Asociimit dhe përfshirjen në Tregun e Vetëm të BE-së.